ധർമ്മസ്ഥല തിരോധാനക്കേസ്; ലോറി ഉടമ മനാഫിന് എസ്‌ഐടി നോട്ടീസ് തെളിവുകളും രേഖകളും സഹിതം ഹാജരാകണമെന്നാവശ്യം

കോഴിക്കോട്: ധർമ്മസ്ഥലയിലെ യുവതികളുടെ തിരോധാനവുമായി ബന്ധപ്പെട്ട കേസിൽ ലോറി ഉടമ മനാഫിന് എസ്‌ഐടി നോട്ടീസയച്ചു. ഇലക്ട്രോണിക് തെളിവുകളടക്കം, എല്ലാ തെളിവുകളും രേഖകളും സഹിതം പ്രത്യേക അന്വേഷണ സംഘത്തലവന് മുന്നിൽ ഹാജരാകണമെന്നാവശ്യപ്പെട്ടാണ് നോട്ടീസ്. ധർമ്മസ്ഥല തിരോധാനവുമായി ബന്ധപ്പെട്ട കേരളത്തിലെ ആക്ഷൻ കമ്മറ്റിയുടെ ചെയർമാനാണ് മനാഫ്. ഇന്ന് രാവിലെ 10 മണിയോടെ എസ്‌ഐടി ഓഫീസിലെത്തി ജിതേന്ദ്ര കുമാർ ഐപിഎസിന് മുന്നിൽ ഹാജരാകണം എന്നാണ് നോട്ടീസിൽ ആവശ്യപ്പെട്ടിരിക്കുന്നത്. ഹാജരാകാത്തത് ശിക്ഷാ നടപടികൾക്ക് കാരണമായേക്കാം എന്ന മുന്നറിയിപ്പും ഉണ്ട്.  ഇന്ന് അന്വേഷണ ഉദ്യോഗസ്ഥന് മുന്നിൽ ഹാജരാകുന്നില്ല എന്ന നിലപാടിലാണ് മനാഫിന്റേത്.