പ്രതികളായ ഷുഹൈബ് എന്ന കൊച്ചു, അബ്ദുൽ മാജിദ്,ഷംസീർ മലപ്പുറം: മഞ്ചേരി നഗരസഭ കൗൺസിലറായിരുന്ന തലാപ്പിൽ അബ്ദുൽ ജലീൽ എന്ന പട്ടാളം കുഞ്ഞാൻ (57) നെ കൊലപ്പെടുത്തിയ കേസില്‍ മൂന്നു പ്രതികൾക്കും ജീവപര്യന്തം. മഞ്ചേരി മൂന്നാം അഡീഷ‌ണല്‍ സെഷന്‍സ് കോടതി ജഡ്ജി എസ് സൂരജ് ആണ് വിധി പ്രസ്താവിച്ചത്. ഒരുലക്ഷം രൂപ വീതം പിഴയും കോടതി വിധിച്ചു. തുക കൊല്ലപ്പെട്ട അബ്ദുൽ ജലീലിന്റെ കുടുംബത്തിന് നൽകണം. നെല്ലിക്കുത്ത് കോട്ടക്കുത്ത് മാട്ടയിൽ വീട്ടിൽ ഷുഹൈബ് എന്ന കൊച്ചു(29), നെല്ലിക്കുത്ത് ഒലിപ്രക്കാട് പതിയൻതൊടിക വീട്ടിൽ അബ്ദുൽ മാജിദ് (30), പാണ്ടിക്കാട് വള്ളുവങ്ങാട് സൗത്ത് സ്വദേശി കറുത്തേടത്ത് വീട്ടിൽ ഷംസീർ (36) എന്നിവരെയാണ് കോടതി ശിക്ഷിച്ചത്.  കഴിഞ്ഞ വ്യാഴാഴ്ച വിധി പറയാനായി മഞ്ചേരി മൂന്നാം അഡീഷണല്‍ സെഷന്‍സ് കോടതി കേസ് പരിഗണിച്ചിരുന്നു. അന്ന്  ഒന്നാം പ്രതി ഹാജരാകാതെ കോടതി പരിസരത്തുനിന്ന് മുങ്ങിയതോടെ കേസ് മാറ്റിവെക്കുകയായിരുന്നു. പ്രതിയുടെ ജാമ്യവും കോടതി റദ്ദാക്കി. വെള്ളിയാഴ്ച കേസ് പരിഗണിച്ച കോടതി, ഒന്നാം പ്രതിയുടെ രണ്ട് ജാമ്യക്കാർക്കെതിരെ കേസെടുക്കാനും ഓരോ ലക്ഷം രൂപ വീതം കോടതിയില്‍ കെട്ടിവെക്കാനും ഉത്തരവിട്...