ഇസ്രായേൽ ആക്രമണം: രാഷ്ട്രീയ കാര്യ നേതാവ് ഖലീൽ അൽഹയ്യ സുരക്ഷിതനെന്ന് ഹമാസ്

ദോഹ: ഖത്തറിലെ ഹമാസ് നേതാക്കൾ താമസിക്കുന്ന കേന്ദ്രത്തിൽ ഇസ്രായേൽ നടത്തിയ ആക്രമണത്തിൽ നിന്ന് രാഷ്ട്രീയ കാര്യ നേതാവ് ഖലീൽ അൽഹയ്യ സുരക്ഷിതനാണെന്ന് ഹമാസ്. അധിനിവേശത്തിന് എതിരെ സർവശക്തിയും ഉപയോഗിച്ച് പോരാടുമെന്ന് ഹമാസ് നേതാവ് സുഹൈൽ അൽ ഹിന്ദി പ്രസ്താവിച്ചു. ൾ ഹമാസിന്റെ നേതൃത്വം ആക്രമണത്തിൽ നിന്ന് രക്ഷപ്പെട്ടതായി ഹമാസിന്റെ രാഷ്ട്രീയ ബ്യൂറോ അംഗം സുഹൈൽ അൽ-ഹിന്ദി സ്ഥിരീകരിച്ചതായി അൽ ജസീറ റിപ്പോർട്ട് ചെയുന്നു.

യുഎസ് പ്രസിഡന്റ് ഡോണൾഡ് ട്രംപിന്റെ വെടിനിർത്തൽ നിർദ്ദേശം ചർച്ച ചെയ്യാൻ യോഗം ചേർന്ന ഖലീൽ അൽ-ഹയ്യയെയും മറ്റ് ഹമാസ് നേതാക്കളെയും വധിക്കാനുള്ള ശ്രമം പരാജയപ്പെട്ടുവെന്ന് അൽ-ഹിന്ദി പറയുന്നു. എന്നാൽ ആക്രമണത്തിൽ ഖലീൽ അൽ-ഹയ്യയുടെ മകൻ ഹമ്മാം അൽ ഹയ്യയും അദ്ദേഹത്തിന്റെ ഒരു സഹായി ജിഹാദ് ലബാദും ഉൾപ്പെടെ അഞ്ച് പേർ കൊല്ലപ്പെട്ടതായി ഹമാസ് വ്യക്തമാക്കി. കൊല്ലപ്പെട്ടവർ ഹയ്യയുടെ സഹചാരികളാണെന്നു.ൺം റിപോർട്ടുണ്ട്.